Burn the Witch
| «Burn the Witch» | ||||
|---|---|---|---|---|
| Ռադիոհեդի սինգլը | ||||
| «A Moon Shaped Pool» ալբոմից | ||||
| Թողարկված | մայիսի 3, 2016 | |||
| Ֆորմատ | թվային ռելիզ | |||
| Ժանր | Արտ ռոք | |||
| Տևողություն | 03:40 | |||
| Լեյբլ | XL Recordings | |||
| Պրոդյուսեր | Նայջել Գոդրիչ | |||
| Ռադիոհեդի սինգլների ժամանակագրություն | ||||
| ||||
Burn the Witch, Ռադիոհեդ անգլիական ռոք խմբի երգը, որը թողարկվել է 2016 թվականի մայիսի 3-ին XL Recordings լեյբլով։ A Moon Shaped Pool ալբոմի առաջին սինգլը։
Պատմություն
[խմբագրել | խմբագրել կոդը]Խմբի մշտական պրոդյուսեր Նայջել Գոդրիչի խոսքերով «Burn the Witch»-ի ստեղծագործական աշխատանքները տևել են տասնվեց տարի՝ հաշված տևական ընդմիջումները։ Խումբն առաջին անգամ փորձել է երգը ձայնագրել 2000 թվականին՝ Kid A ալբոմի կազմում ներառված երգերի ձայնագրման հետ։ Ավելի ուշ երգի վրա աշխատանքներ են տարվել նաև Hail to the Thief (2003) և In Rainbows (2007) ալբոմների ձայնագրման ժամանակ։ «Burn the witch» (թարգմանաբար՝ այրիր վհուկին) արտահայտությունը առկա է նաև Hail to the Thief ալբոմի շապիկի պատահական արտահայտությունների մեջ։ Երգի մասին խմբի վոկալիստ Թոմ Յորքը հիշատակել է 2005 թվականին Ռադիոհեդի պաշտոնական բլոգում։ «Burn the Witch»-ի տեքստը հրապարակվել է նույն կայքում 2007 թվականին։ 2006 և 2008 թվականներ որոշ համերգների ժամանակ խումբը կատարել է երգի որոշ առանձին հատվածներ։ Այնուամենայնիվ, մինչև 2016 թվականի մայիսի 3-ը «Burn the Witch»-ի ամբողջական ավարտուն տարբերակաը ոչ մի անգամ չի խնչել և չի ձայնագրվել։
2013 թվականին հարցազրույցներից մեկի ժամանակ Գոդրիչին խնդրեցին լույս սփռել Ռադիոհեդի դեռևս չձայնագրված կամ կիսատ ձայնագրված երգերի հետագա ճակատագրի վրա, ինչին ի պատասխան պրոդյուսերը նշեց, որ բոլոր երգերն ի վերջո կթողարկվեն վերջնական մշակումից հետո։ Այդ երգերի ցանկում էր նաև «Burn the Witch»-ը։ Իր խոսքերը հաստատելոի համար Գոդրիչը օրինակ բերեց խմբի «Nude» երգը, որը վերջնական մշակմամբ լույց ընծայվեց 2007 թվականին, բայց ստեղծվել էր դրանից տասներկու տարի առաջ։
Երգի տեքստի մեկնաբանությունը
[խմբագրել | խմբագրել կոդը]Երգի տեքստում կան նման տողեր. "մի մտածիր պատճառների մասին / խուսափիր տեսողական կոնտակտից/ պատասխան ռեակցիա մի տուր / կրակիր դեսպանորդների վրա / այրիր վհուկին": Pitchfork երաժշտական պարբերականը երգի տեքստը մեկնաբանում է, որպես զգուշացում ժամանակից աշխարհում գնալով ավելի ու ավելի տարածվող խմբակային մտածողությունից։ Որպես կամազուրկ ու ստրկացված ամբոխի վրա իշխանություն տարածելու օրինակ է բերվում 15-17-րդ դարերում Արևմտյան Եվրոպայում հայտնի վհուկների որսը՝ կախարդություններ անելու մեջ կասկածվող մարդկանց նկատմամբ զանգվածային հետապնդումները։
The Guardian թերթը երգի տեքստում միանգամայն այլ իմաստ է տեսնում. նրանց կարծիքով "Burn the Witch"-ում խոսքը վերաբերում է կառավարության՝ հասարակության նկատմամբ համապարփակ հսկողության ու սոցիալական մեդիայի միջոցով մարդու կյանքի բոլոր ոլորտներն իր աչքի ու հսկողության առաջ պահելու փորձերին։
Քննադատների արձագանքը
[խմբագրել | խմբագրել կոդը]Pitchfork պարբերականը "Burn the Witch"-ը շաբաթվա լավագույն երգն է համարել և գրել է հետևյալը.
|
Kid A ալբոմի «How to Disappear Completely» գլուխգործոցի ժամանակներից ի վեր առաջին անգամ Ռադիոհեդը ստեղծեց իրոք վախեցնող ու շքեղ կոմպոզիցիա։ Բնօրինակ տեքստ (անգլ.)
'It's not since Kid A standout 'How to Disappear Completely' that Radiohead have created a song this simultaneously unsettling and gorgeous…' Ջիլիան Մեյփս, Pitchfork-ի գլխավոր խմբագիր |
|
The Guardian-ն այսպես է գնահատել երգը.
|
|
Կլանող... Անվիճելի է, սա իր տեսակի մեջ վերադարձ էր՝ ինքնավստահ, առանց ձևականությունների, բայց միաժամանակ մռայլ, վախի զգացում առաջացնող՝ այնպիսին, ինչպիսին աշխարհը սպասում էր իրենցից։ Բնօրինակ տեքստ (անգլ.)
Thrilling... certainly the kind of return – bold and expansive, as well as dark and claustrophobic – that the world might have hoped for |
|
Սինգլի կոմպոզիցիաների ցանկ
[խմբագրել | խմբագրել կոդը]| # | Անվանում | Տևողություն | |||||||
|---|---|---|---|---|---|---|---|---|---|
| 1. | «Burn the Witch» | 3:40 | |||||||
| 3:40 | |||||||||
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Երգի տեսահոլովակը youtube-ում
- Սինգլի գրախոսականը theatlantic-ում
- The Guardian-ի ամբողջական գրառումը սինգլի մասին
| ||||||||||||||||||||||||||||||||||||||||||||||||||||||||||||||||||||